ചൊക്ലിയിൽ കൂറ്റൻ മരം പൊട്ടിവീണ് 2 കാറുകൾ തകർന്നു ; ഒഴിവായത് വൻ ദുരന്തം ചൊക്ലി രജിസ്ട്രാപ്പീസിനടുത്താണ് അപകടമുണ്ടായത്.
റോഡരികിൽ നിർത്തിയിട്ട 2 കാറുകൾ തകർന്നു. 2 ഇലക്ട്രിക് പോസ്റ്റുകളും തകർന്നു. വ്യാഴാഴ്ച ഉച്ചക്ക് 12 മണിയോടെയാണ് അപകടമുണ്ടായത്. റോഡിൽ ഈ സമയം മറ്റു വാഹനങ്ങളില്ലാഞ്ഞതിനാൽ വൻ ദുരന്തമാണ് വഴിമാറിയത്. സമീപത്ത് വീടിന് നേരിയ കേടുപാടുകളുണ്ടായി.
2 കാറുകളും പൂർണമായും തകർന്ന നിലയിലാണ്. പാനൂർ ഫയർഫോഴ്സെത്തി മരം മുറിച്ചു നീക്കി. അപകടത്തെ തുടർന്ന് ഏറെ നേരം ഗതാഗതം സ്തംഭിച്ചു. ചൊക്ലി പൊലീസും സ്ഥലത്തെത്തി.
2 cars were damaged after a huge tree fell in Chokli;